15 январи соли 2024 ҳайати намояндагони Гурҷистон таҳти роҳбарии Кордори муваққатии Сафорати Гурҷистон дар Ҷумҳурии Тоҷикистон Гиорги Чхеидзе ба Вазорати фарҳанги Ҷумҳурии Тоҷикистон ташриф оварданд.
Ҳайати меҳмононро муовини аввали вазири фарҳанг Назариён Обид Одилзода ба ҳузур пазируфт.
Зимни мулоқот ҷонибҳо оид ба вазъи ҳамкориҳои фарҳангӣ, таҳкими муносибатҳои дуҷониба ва равобити мутақобилан судманди Тоҷикистону Гурҷистон табодули назар карданд.