ТАВАҶҶӮҲ! Намоиш-фурӯши шоҳасари “Маснавии маънавӣ”-и Мавлоно Ҷалолуддини Балхӣ

Бо ташаббуси Вазорати фарҳанги Ҷумҳурии Тоҷикистон ва Муассисаи давлатии нашриёти “Адиб” намоиш-фурӯши шоҳасари “Маснавии маънавӣ”-и Мавлоно Ҷалолуддини Балхӣ ва  китобҳои тозанашри муассиса рӯзи 24 июни соли 2022, соати 17.00, дар саҳни Театри давлатии академии опера ва балети Тоҷикистон ба номи С. Айнӣ баргузор мегардад.

Дастрасӣ ба шоҳасари “Маснавии маънавӣ”-и Мавлоно Ҷалолуддини Балхӣ, дастрасӣ ба нури маърифат, дарку эҳсоси фалсафаи ҳаёт, огоҳ шудан аз моҳияти мавридшиносиву мавқеъпазирист. Баҳрамандӣ аз намоиш-фурӯши Маснавии маънавии Мавлавӣ, ва дигар китобҳои тозанашр баҳрамандӣ аз ғизои беназири маънавист, ки нашриёти "Адиб"-и Вазорати фарҳанги Тоҷикистон роҳандозӣ карданист.

Ихлосмандону дӯстдорони осори гаронарзиши классику муосири тоҷикро ба намоиш-фурӯши китобҳои тозанашр даъват менамоем.

Маркази матбуоти Вазорати фарҳанг