ВАЗОРАТИ ФАРҲАНГИ ҶУМҲУРИИ ТОҶИКИСТОН
МИНИСТЕРСТВО КУЛЬТУРЫ РЕСПУБЛИКИ ТАДЖИКИКСТАН
MINISTRY OF CULTURE OF THE REPUBLIC OF TAJIKISTAN

Китобхонаи миллии Тоҷикистон
Осорхонаи миллии Тоҷикистон
Муассисаи давлатии "Театри давлатии академии опера ва балети ба номи С. Айнӣ"
"Қасри миллат"
"Шоми Душанбе"
Фарҳанг ҷавҳари ҳастии миллат аст. Хушбахтона, дар Тоҷикистони соҳибистиқлол барои бархурдорӣ аз ин ҷавҳар фазои мусоид фароҳам аст ва тамоми хурду бузург ба он дастрасӣ доранд. Дари толору намоишгоҳҳои барҳавои театрҳо, қасру хонаҳои фарҳанг сирк ва китобхонаву осорхонаҳо бо барномаҳои рангини маърифатию фароғатӣ аз субҳ то шом ба рӯи Шумо боз аст. Шитобед ва маърифати хеш ва аҳли хонадонатонро афзун намоед. Ҳеҷ ганҷе нест аз фарҳанг беҳ, То тавонӣ, рӯй бар ин ганҷ неҳ*** Ҳифзи ёдгориҳои таърихию фарҳангӣ ҳамчун мероси гаронбаҳои миллию умумибашарӣ- вазифаи инсонӣ ва шаҳрвандии ҳар яки мост. Биёед ин ганҷи пурқиматро чун гавҳараки чашм ҳифзу эҳё намоем, ба наслҳои оянда мерос гузошта, дар барқароркунии онҳо саҳми босазо гузорем***

Ҷумъа

15 Декабри 2017

Овоз диҳед

Дар вактҳои холӣ Шумо чиро авлотар мешуморед?

Тақвим

Обу ҳаво

Навид

Ансамбли «Дилнавоз» дар Фестивали байналмилалии мусиқӣ дар Хитой иштирок кард

Аз 20 то 27 ноябри соли 2017 дар Ҷумҳурии Халқии Хитой Фестивали байналмилалии мусиқӣ баргузор гардид.

Дар ҷашнвора ансамблҳои созҳои миллии кишварҳои Олмон, Россия, Тоҷикистон, Муғулистон, Сингапур, Ҳиндустон, Гонконг, Хитой ва Қазоқистон ширкат намуданд.

Тоҷикистонро дар ин Ҷашнвораи байналмилалии мусиқӣ ансамбли созҳои миллии "Дилнавоз"-и шаҳри Хуҷанд муаррифӣ намуд.

Фестивал 22 ноябр бо барномаи муштараки кишварҳои иштирокчӣ дар майдони Маҷмааи таърихии "Паолои Муқаддас" оғоз гардид.

23 ноябри соли 2017 дар Маркази фарҳангии Макао дарси маҳорат бо иштироки ҳайати ҳунарии Тоҷикистон доир гардид, ки дар рафти он ҳар як сози мусиқии миллии тоҷикӣ ба ширкаткунандагони ин чорабинӣ муаррифӣ гардид. Дар рафти он миёни ҳунармандони тоҷик ва иштирокчиён табодули афкор ва таҷриба сурат гирифт, ки барои тарғиби мусиқии миллии тоҷик ва сатҳи касбии санъаткорон хеле муфид аст.

Шоми 24 ноябр дар толори муҳташами Маркази фарҳангии Макао барномаи консертии ансамбли «Дилнавоз» дар сатҳи баланди касбӣ баргузор гардид. Барномаро саҳнае, ки мониторҳои он бо ангораву нақшу нигори миллии тоҷикӣ ороиш дода шуда буд, ҷолибтару рангинтар намуд. Дар ин чорабинӣ аз мақомоти давлатии Макао ва корпусҳои дипломатии муқими кишвари иқомат, хамчунин бо назардошти он ки ин кишвар аз нигоҳи саёҳӣ рушд кардааст,  сайёҳон низ ширкат варзиданд. Ҳунарнамои ҳунармандони тоҷик аз ҷониби тамошобин ва созмондиҳандагони ин Ҷашнвора хеле хуб пазируфта шуд.

27 ноябр Фестивал бо консерти оркестре, ки аз ҳисоби мутрибони кишварҳои иштирокчӣ таъсис ёфта буд, ба анҷом расид.

Фестивали байналмилалии мусиқӣ дар Ҷумҳурии Халқии Хитой

:02.12.2017 10:48:00