Сомонаи пешина | Яш, 20 Октябр 2019 | 09:10
ТОҶ :: РУС :: ENG

«Фарҳанг ҷавҳари ҳастии миллат аст»

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам
Эмомалӣ Раҳмон

Ҳифзи ёдгориҳои таърихию фарҳангӣ ҳамчун мероси гаронбаҳои миллию умумибашарӣ- вазифаи инсонӣ ва шаҳрвандии ҳар яки мост. Биёед ин ганҷи пурқиматро чун гавҳараки чашм ҳифзу эҳё намоем, ба наслҳои оянда мерос гузошта, дар барқароркунии онҳо саҳми босазо гузорем.

Дар Вазорати фарҳанг тартиби баргардонидани маблағ аз ҷониби мутахассисони ҷавони аз ҳисоби буҷети давлатӣ таҳсилнамуда баррасӣ гардид

 

19 июни соли 2019 дар Вазорати фарҳанги Ҷумҳурии Тоҷикистон бо иштироки муовини вазири фарҳанг Зевар Давлатзода ва роҳбарони муассисаҳои таҳсилоти миёна ва олии касбии тобеи вазорат ҷаласа баргузор гардид.

Дар ҷаласа қарори Ҳукумати Ҷумҳурии Тоҷикистон аз 31 майи соли 2019, №260 «Дар бораи тартиби баргардонидани маблағҳо аз ҷониби мутахассисони ҷавоне, ки аз ҳисоби буҷети давлатӣ таҳсил намудаанд» ва нақшаи чорабиниҳо оид ба иҷрои он баррасӣ гардид. 

Дар санади мазкур гуфта шудааст: 

«Мутобиқи моддаи 24 Қонуни Ҷумҳурии Тоҷикистон «Дар бораи маориф» ва моддаи 57 Қонуни Ҷумҳурии Тоҷикистон «Дар бораи санадҳои меъёрии ҳуқуқӣ» Ҳукумати Ҷумҳурии Тоҷикистон қарор мекунад: 

1. Тартиби баргардонидани маблағҳо аз ҷониби мутахассисони ҷавоне, ки аз ҳисоби буҷети давлатӣ таҳсил намудаанд, тасдиқ карда шавад.

2. Вазорату идораҳо, ки дар сохторашон муассисаҳои таҳсилоти миёна ва олии касбӣ доранд, баргардонидани маблағҳоро аз ҷониби мутахассисони ҷавоне, ки аз ҳисоби буҷети давлатӣ таҳсил намудаанд, дар асоси Тартиби мазкур таъмин намоянд.

3. Қарори Ҳукумати Ҷумҳурии Тоҷикистон аз 2 июли соли 2009, №391 «Дар бораи тасдиқи Қоидаҳои баргардонидани маблағҳои буҷетӣ аз ҳисоби мутахассисони ҷавон, ки тибқи роҳхат ба ҷои кор ҳозир нашудаанд», аз эътибор соқит карда шавад».

Тибқи тартиби мазкур минбаъд мутахассисони ҷавоне, ки аз ҳисоби буҷети давлатӣ таҳсил кардаанд, дар ҳолати бе сабабҳои узрнок ба ҷои кори бо роҳхат равон шуда ҳозир нашудан, саркашӣ кардан, ё бо сабаби вайрон кардани қонунгузории меҳнат то давраи ба охир расидани мӯҳлати ҳатмии кор, ки се солро ташкил медиҳад, аз кор ронда шудан маблағе, ки аз ҳисоби буҷети давлатӣ барои таҳсили ӯ харҷ шудааст, бояд баргардонад.

Дар ҷаласа дар идомаи мавзӯи мазкур дигар масоили марбути таҳсилоти олӣ ва ҷалби мутахассисони ҷавон ба кор мавриди муҳокима қарор гирифтанд.