Сомонаи пешина | Яш, 16 Декабр 2018 | 12:12
ТОҶ :: РУС :: ENG

«Фарҳанг ҷавҳари ҳастии миллат аст»

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам
Эмомалӣ Раҳмон

Ҳифзи ёдгориҳои таърихию фарҳангӣ ҳамчун мероси гаронбаҳои миллию умумибашарӣ- вазифаи инсонӣ ва шаҳрвандии ҳар яки мост. Биёед ин ганҷи пурқиматро чун гавҳараки чашм ҳифзу эҳё намоем, ба наслҳои оянда мерос гузошта, дар барқароркунии онҳо саҳми босазо гузорем.

Ғолибони Фестивали вилоятии «Атласу адраси Суғд — 2018» муайян шуданд

 

5 декабр дар Қасри Арбоби шаҳри Хуҷанд маросими супоридани ҷоизаҳо ба ғолибони Фестивали вилоятии «Атласу адраси Суғд — 2018» баргузор гардид.

Тавре аз хадамоти матбуоти Раиси вилояти Суғд ба АМИТ «Ховар» хабар доданд, Фестивали вилоятии «Атласу адраси Суғд-2018» бахшида ба Соли рушди сайёҳӣ ва ҳунарҳои мардумӣ эълон гардида, мақсади асосии он, пеш аз ҳама, аз тарғибу ташвиқи либоси миллӣ, тақвияту густариш бахшидан ба истеҳсолу истифодаи анвои гуногуни либосу матоъҳои миллӣ ва рушди атласу адрасбофӣ иборат буд.

Фестивал дар чанд бахш доир шуда, довталабон барои ғолибият намунаҳои либосҳои омодакардаи худро пешниҳоди ҳакамон намуданд. Дар натиҷа Шоҳҷоизаи Фестивали вилоятии «Атласу адраси Суғд — 2018» ва 5 ҳазор  сомонӣ мукофот насиби тарроҳ Нилуфар Тоҷибоева аз шаҳри Хуҷанд гардид.

Ҳамчунин дар бахши «Беҳтарин либоси миллии арӯсию домодӣ» ҷои аввал насиби тарроҳ Абӯбакр Хоҷаахмедов аз шаҳри Панҷакент гардида, номинатсияи «Беҳтарин либоси кӯдакона» ба тарроҳ Малоҳат Набиева аз ноҳияи Ҷаббор Расулов, «Беҳтарин либоси расмӣ» ба Гулҷаҳон Норчаева аз ноҳияи Бобоҷон Ғафуров ва «Беҳтарин либоси идона» ба Орзугул Бердиева аз ноҳияи Бобоҷон Ғафуров дода шуд.

Ёдовар мешавем, ки фестивали мазкур  дар ду давр баргузор шуда, даври аввал дар сатҳи шаҳру ноҳияҳо, муассисаҳои таҳсилоти олӣ ва миёнаи касбӣ ва даври дуюм дар маркази вилоят бо иштироки ғолибони даври аввал гузаронида шуд.

АМИТ «Ховар»