Дастоварди наврасону ҷавонони тоҷик дар Фестивал-озмуни байналхалқӣ дар шаҳри Тошканд

Сомонаи пешина | Яш, 24 Январ 2021 / 14:01

«Фарҳанг ҷавҳари ҳастии миллат аст»

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам
Эмомалӣ Раҳмон

Ҳифзи ёдгориҳои таърихию фарҳангӣ ҳамчун мероси гаронбаҳои миллию умумибашарӣ- вазифаи инсонӣ ва шаҳрвандии ҳар яки мост. Биёед ин ганҷи пурқиматро чун гавҳараки чашм ҳифзу эҳё намоем, ба наслҳои оянда мерос гузошта, дар барқароркунии онҳо саҳми босазо гузорем.

Дастоварди наврасону ҷавонони тоҷик дар Фестивал-озмуни байналхалқӣ дар шаҳри Тошканд

Хонандаи Мактаби хусусии Пулодови шаҳри Хуҷанд Фарзона Назарова дар Фестивал-озмуни байналхалқии эҷодиёти кӯдакону наврасон «Садбарги Шарқ» («Роза Востока»), ки аз 4 то 8 майи соли 2019 дар шаҳри Тошканди Ҷумҳурии Ӯзбекистон баргузор гардид, дар жанри вокал иштирок намуда, байни қариб 1000 иштирокчӣ сазовори ҷои сеюм гардид.

Аз Ҷумҳурии Тоҷикистон дар чорабинии мазкур инчунин хонандаи Мактаби хонандагони болаёқати шаҳри Хучанд Сарвиноз Ҳамдамова,
донишҷӯи Коллеҷи санъати ба номи Содирхон Хофизи шаҳри Хуҷанд Шерзод Абдуллозода, донишҷӯи факултаи санъати Донишгоҳи давлатии Хуҷанд ба номи академик Бобоҷон Ғафуров Фирдавс Сангинов ва гурӯҳи рақсии «Новая Эра» аз шаҳри Душанбе иштирок намуда, соҳиби дипломи Фестивал-озмун гардиданд.

Дар Фестивал-озмуни байналхалқии эҷодиёти кӯдакону наврасон «Садбарги Шарқ» наздики 1000 нафар намояндагони давлатхои Қазоқистон, Қирғизистон, Россия, Арманистон, Озарбойҷон, Ҳиндустон ва Ӯзбекистон дар жанрҳои вокал ва хореография дар гурӯҳи синнусолии 4-17 сола ва 18-28 сола қувваозмоӣ намуданд.